Одржливиот развој е и треба да биде важна тема во нашиот живот.
Глобалните климатски промени фокусот го ставија на емисијата на CO2 и ефикасното користење на ограничените постоечки извори на енергија, кои многу побрзо се трошат отколку што се обновуваат.
Во текот на една година нашата планета има ограничен потенцијал за обновување на ресурсите што ги трошиме и за прифаќање на отпадот што го произведуваме. Во моментот на природата ѝ се потребни 16 месеци за да го обнови она што ние го трошиме во 12 месеци. Тоа значи дека ние трошиме од ресурсите на идните генерации.
Во Протоколот од Кјото и во рамките на Климатската и енергетската политика до 2030 и 2050 год. Европската Унија презема долгорочни енергетски иницијативи. Тоа значи дека сега е неопходно да се преземат итни мерки за да може да се достигнат целите и да се задоволат потребите на идните генерации.
Бидејќи најголемиот дел од енергијата се троши за згради (40% за згради наспрема 32% за сообраќај и 28% за индустријата), напорите се концентрирани на намалување на потрошувачката на енергија во оваа област.
Нашите згради вообичаено се користат многу долг период. Затоа само следењето во текот на цел еден животен циклус може да даде информации за фактичкиот квалитет на една зграда.
Критериуми за одржливост
Одржливоста е холистички пристап, земајќи ги предвид 3 столбови на одржливоста (објект – еколошки, економски и социо-културен квалитет) и нивната интеракција едни со други.
Од овие 3 димензии се изведуваат различни критериуми за градежната индустрија.
- Еколошки квалитет (влијание врз животната средина)
Кај еколошкиот квалитет предвид се зема потрошувачката на ресурси (на пример потрошувачка на суровини и енергија) и нејзиното влијание врз животната средина (на пример глобално затоплување, озон).
- Економски квалитет (економичност)
Кај економскиот квалитет предвид се земаат пред сè трошоците за изградба, користење и уривање/демонтажа.
- Социо-културен квалитет (удобност)
Кај социо-културниот квалитет предвид се земаат дизајнот, естетиката и достапноста, но и здравјето и удобноста.
Како многу други организации и компании, така и URSA како компанија што е свесна за животната средина и одржливоста, сака да заеме став против климатските промени. Изолационите материјали на URSA имаат позитивно влијание врз сите 3 главни критериуми за одржливост.
На пример, за URSA PUREONE тоа значи:
- производ што главно се состои од рециклирано стакло (штедење на природните ресурси);
- производот нуди одлична топлинска изолација (намалување на потрошувачката на енергија при користењето)
- производот користи еколошко акрилно врзивно средство на база на вода (подобрување на квалитетот на воздушниот простор).
Производите на URSA влијаат на голем број индивидуални критериуми и со тоа ја подобруваат одржливоста на зградата.
Животен циклус (анализа на животен циклус)
Во рамките на анализата на животниот циклус се стреми кон оптимизација на сите фактори во целиот животен циклус на една зграда – значи од екстракција на суровини, преку изградба и користење до уривање/демонтажа.
Еколошка декларација на производ (EPD)
Влијанијата на градежните производи врз одржливоста на зградите се опишани во еколошката декларација на производот. Декларацијата дава информации за користењето на енергија и ресурси и за тоа во која мера производот придонесува за ефектот на стаклена градина, закиселување, еутрофикација, уништување осиромашување на озонската обвивка и формирање на смог. Освен тоа, содржани се и податоци за техничките карактеристики, што се потребни за процена на перформансите на градежниот производ во зградата, како што се животен век, топлинска изолација и звучна изолација или влијанието врз квалитетот на воздухот во затворени простории.
